#Քաղաքացին_մասնակցում_է #ընտրություններ Մաս 1. Գնաճ
Քաղաքականությունը միայն կուսակցությունների, ընտրությունների կամ պաշտոնյաների մասին չէ․ այն անմիջական ազդեցություն ունի մարդկանց առօրյա կյանքի վրա՝ հատկապես տնտեսական իրավիճակի միջոցով։
Շատ մարդիկ փորձում են հեռու մնալ քաղաքականությունից՝ մտածելով, որ այն իրենց չի վերաբերում կամ իրենց մասնակցությունը ոչինչ չի փոխում։ Սակայն իրականում պետության տնտեսական քաղաքականությունը, հարկային համակարգը, արտաքին հարաբերությունները, դրամավարկային որոշումները և նույնիսկ անվտանգային իրավիճակը անմիջապես անդրադառնում են շուկայի վրա։ Արդյունքում՝ թանկանում են սնունդը, վառելիքը, կոմունալ ծառայությունները, դեղերը և այլ առաջին անհրաժեշտության ապրանքներ։ Այսինքն՝ նույնիսկ եթե մարդը չի հետևում քաղաքական իրադարձություններին, այդ իրադարձությունները շարունակում են ազդել իր կյանքի որակի վրա։
